सामाजिक कार्यकर्ते ॲड. प्रवीण सुरडकर यांच्यासह सहकाऱ्यांचा क्रांतिकारी शेतकरी संघटनेत प्रवेश

 बुलडाणा, लोकतंत्र न्यूज नेटवर्क 

क्रांतिकारी शेतकरी संघटनेचे विचार आणि संघर्षाची भूमिका दिवसेंदिवस अधिक मजबूत होत असून आज बुलढाणा शहरातील सामाजिक कार्यकर्ते ॲड. प्रवीण सुरडकर यांनी आपल्या सहकाऱ्यांसह क्रांतिकारी शेतकरी संघटनेचे संस्थापक अध्यक्ष शेतकरी नेते रविकांत तुपकर यांच्या हस्ते क्रांतिकारी शेतकरी संघटनेत जाहीर प्रवेश केला.

क्रांतिकारी हेल्पलाईन सेंटर, बुलढाणा येथे झालेल्या प्रवेश सोहळ्यात त्यांचे आणि त्यांच्या सहकाऱ्यांचे संघटनेत स्वागत करण्यात आले. गेली २५ वर्षे सामाजिक व राजकीय क्षेत्रात सक्रिय असलेले ॲड. प्रवीण सुरडकर यांच्यासारखे अभ्यासू, सामाजिक जाण असलेले नेतृत्व संघटनेसोबत जोडले जाणे ही आनंदाची बाब आहे.असे मत शेतकरी नेते रविकांत तुपकर यांनी व्यक्त केले.त्यांच्यासोबत ॲड. गुणवंत नाटेकर, ॲड. अमोलकुमार गवई, ॲड. अक्षयअप्पा तोत्रे, ॲड. राम अंभोरे, सुमित जुमडे, भूषण सोनुने, शाम सपकाळ यांनी देखील प्रवेश करत क्रांतिकारी शेतकरी संघटनेला बळकटी दिली.ॲड. प्रवीण सुरडकर व त्यांच्या सहकाऱ्यांच्या प्रवेशामुळे बुलढाणा शहरात क्रांतिकारी शेतकरी संघटनेची ताकद अधिक वाढली असून शेतकरी, कष्टकरी, युवक आणि सामान्य नागरिकांच्या न्याय हक्कांसाठीचा लढा आणखी व्यापक होणार आहे.क्रांतिकारी शेतकरी संघटनेने लावलेले रोपटे आता वटवृक्ष होण्याच्या दिशेने वेगाने वाटचाल करत असून जनतेचा वाढता विश्वास हीच आमच्या संघर्षाची खरी ताकद आहे.

याप्रसंगी क्रांतिकारी शेतकरी संघटनेचे जिल्हाध्यक्ष डॉ. ज्ञानेश्वर टाले, विविध पदाधिकारी व कार्यकर्ते तसेच परिसरातील शेतकरी मोठ्या संख्येने उपस्थित होते.