शेतकऱ्यांना पर्यायी मार्ग उपलब्ध करून द्या अन्यथा जलसमधी घेऊ- क्रांतिकारी शेतकरी संघटनेचे जिल्हा उपाध्यक्ष सहदेव लाड

सिंदखेडराजा, लोकतंत्र न्यूज नेटवर्क 

सिंदखेडराजा तालुक्यातील देवखेड येथील खडक पूर्णा नदी पात्रावर पुलाचे काम अर्धवट राहिलेले आहे. त्यामुळे शेतकऱ्यांना शेतात जाण्यासाठी रस्ता नाही तरी येत्या आठ दिवसात शेतकऱ्यांना शेतात जाण्यासाठी पर्यायी मार्ग उपलब्ध करून न दिल्यास शेतकऱ्यांसह जलसमाधी आंदोलन करण्याचा इशारा क्रांतिकारी शेतकरी संघटनेचे जिल्हा उपाध्यक्ष सहदेव लाड यांच्यासह देवखेड येथील शेतकऱ्यांनी तहसीलदार सिंदखेड राजा व विभागीय अभियंता सार्वजनिक बांधकाम विभाग देऊळगाव राजा व ठाणेदार यांना लेखी निवेदनाद्वारे दिला आहे.यावेळी अनिल लांडगे, काशिनाथ सरकटे ,कल्याण आढाव, अमोल पाडमुख, रेखा आढाव ,जया खरात ,यांच्यासह शेतकरी बांधव मोठ्या संख्येने उपस्थित होते.